Stormsamlinga 2012

Då var Stormsamlinga 2012 vel i hamn. Veret var svært varierande dene helga, med sol, regn, hagl, stiv kuling og vindstille. Det vart halde grunnkurs, teknikkurs og guida turar både innaskjærs og utaskjærs. Laurdag kveld var det samling i Floren, med fantastisk breiflabb, torsk og lammegryte. Takk til Liv Turid for god oppvartning! Også takk til alle som tok bilete som vi fekk bruke her på sida!

Alle bileta frå dagane kan du finne HER.

Aktivitetsdag på Askvoll skule 27.9.12

I dag var det aktivitetsdag på Askvoll skule. Dei fleste hadde valt fjelltur, men det var 12 stk som stilte opp på padleaktiviteten.

Det vart ein våt start på dagen, men det betra seg noko utover dagen. Vi padla inn til Straumsbrua og hadde matpause på Olset- stranda.

Alle bileta ligg HER.

STORMSAMLING 2012

Hei alle gode padlevener.

Påmelding til haustens padlehøgdepunkt er no i gang, den 28 til 30 september gjentek Askvoll Padleklubb suksessen frå tidlegare år og arrangerar Stormsamling i Bulandet. Sponsorar er Njord og God Tur.

Som dei siste tre åra vert Stormsamlinga arrangert som ein samling der det sosiale rundt padlinga er det viktigaste. Sidan samlinga på kveldane vert i Floren hos Liv Turid har vi berre 46 plassar tilgjengelege. Så her gjeld det å hive seg rundt å melde seg på!

Det vert arrangert grunnkurs og teknikkurs, medlemmar frå Askvoll padleklubb vil tilby guida turar rundt om i Bulandet begge dagane. For å vere med på samlinga, må du betale for stormpass (gjeld berre dei som ikkje skal vere med på kurs).

Vi samlast i Floren til ei orientering på fredag kvelden kl 21.00, slik får vi med dei som kjem med ferga kl 19.15 frå Askvoll.

På laurdags kvelden vert det verdas beste middag, kaffi og dessert i Floren er inkludert i kurs og pass, det vil vere sal av vin og øl i baren til ho Liv.

Totalt har vi 30 stormpass, 8 plassar på grunnkurs, 8 plassar på teknikkurs. Til saman 46 plassar.
Vi har sett ei aldersgrense på 18 år. Personar under må vere i følgje med føresette.

Etter middagen viser vi innsamla bilete frå dagen. Vi oppmodar dei som har musikkinstrument til å ta med, kanskje får vi til ein ”padleband jam” slik som i fjor.

Overnatting må kvar enkelt ordne med sjølv, sjå på Bulandet Grendalag for hytter og liknande, http://bulandet-grendalag.org/

Ferjetider finn de på www.ruteinfo.net

Kva kostar så dette?:
Stormpass: 1000,- inkl guida turar og middag laurdag
Grunnkurs: 2500,- inkl middag laurdag
Teknikkurs: 2500,- inkl middag laurdag

Leige av kajakk og alt anna utstyr 650,- for heile helga, vi leiger kun ut heile pakkar med kajakk, åre, trekk, våtdrakt, jakke, sko etc.

Send mail til oss på stormsamling@gmail.com for påmelding, betaling og andre detaljar.
Seinaste påmeldings / betalingsfrist er 20 september 2012, hugs at det er bindande påmelding!
Bli fan på Facebook :) her

Antal påmelde per 3 september:

Grunnkurs (8 plassar): 2 påmelde
Teknikkurs (8 plassar): 5 påmelde
Stormpass (30 plassar): 28 påmelde

Har du spørsmål om samlinga, bruk eposten (stormsamling@gmail.com) eller kontakt tlf nr
95834359 (Roger Kløvtveit). Send helst epost :)

Vi sjåast i Bulandet
Styret i Askvoll Padleklubb

Teknikkurs UNG 2012

Måndag 13. og tysdag 14. august hadde vi eit gratis teknikkurs for ungdom i klubben vår. Det var fem påmelde. Måndagen hadde Odin gruppa åleine, og gjekk igjennom det meste av pensumet på kurset. Tysdagen var Roger med som kurshaldar også. Då reiste vi i Holevika på Staveneset. Vanlegvis er det ingen problem å finne bølgjer til å trene på her, med denne dagen var det nesten flatt hav overalt.. Vi fann likevel nokre skvalpeskjær som vi fekk trene oss på.

Ein sporty gjeng fekk trene på mykje, og var spesielt ivrig på badinga. Alt i alt to flotte dagar med kjekk Askvoll- ungdom!

Alle bileta frå dagane finn du HER!

Skjærgårdstreffet 2012

Askvoll padleklubb hadde padleaktivitet for store og små, fredag 20. juli, under familiedagen på Skjærgårdstreffet. Nesten hundre ungar fekk prøve å padle i doble kajakkar, fordelt på seks grupper.
Vi hadde god hjelp av desse ungdommane i dag:

Dei har teke grunnkurs/ teknikkurs med klubben, og hjalp til med å ha kontroll på flokken i den sterke vinden..

Alle bileta ligg HER!

Teknikkurs UNG!

Askvoll padleklubb inviterar ungdom frå 13- 18 år tilhøyrande i Askvoll kommune med på teknikkurs i padling måndag 13. og tysdag 14. august 2012. Kurset er på ca 16 timar og vert halde på Øyra i Askvoll sentrum første dag, og i Hollevika andre dag. Vi startar opp klokka 9.00 begge dagane.
Kurset er gratis for deltakarar frå Askvoll kommune.

NB: For å delta på dette kurset MÅ du ha teke grunnkurset!

Dei som tok grunnkurset i år får ikkje tilbodet denne gongen. De bør padle litt meir før teknikkurset! :-)

Deltakarane får utdelt det dei treng av utstyr, men må ha med handkle, bytekle og niste/ varm drikke begge dagane.

Påmelding (Deltakaren kan melde på sjølv, men de må snakke med foreldra om lov!) på epost til: odinhest@hotmail.com
Hugs å gje opp eit telefonnummer til ein av foreldra!

Når kurset nærmar seg, får alle påmelde opplysningar om kurset på epost. Kurshaldarar er Odin Hestholm og Roger Kløvtveit

Bilete frå Grunnkurs UNG

I helga vart det helde Grunnkurs Ung på Øyra. Arrangør denne gongen var Turlaget i Sogn og Fjordane.

Alle bileta finn du her.

Aktivitetsdag 19.juni

I dag var det aktivitetsdag på Askvoll skule med padling på Øyra. Sidan dei fleste elevane hadde valt overnattingstur, var det ikkje så mange som var med denne gongen.

Veret var slik det plar vere. Mykje vind og ein del bølgjer midt på dagen. Men alle tok utfordringane med godt humør! Tre elevar med grunnkurs/ teknikkurs var med som hjelparar i dag. Tusen takk til dei for god hjelp!

Alle bileta finn du HER!

Utedag med småskulen og 9.klasse

I dag, tysdag 5.juni hadde 9.klasse ein fellestur med 1.- 3.klasse. Etter å ha gjennomført ein tretimers tur i skogen, der dei store passa på dei små, avslutta vi på Øyra. Der hadde vi aktivitetar og padling. Fire elevar med grunnkurs og teknikkurs i 9.klasse padla bakerst i doble kajakkar, med dei små framme. Alle fekk prøve å padle, mange for første gong! Og at det var populært, trur eg bileta kan skrive under på..

Alle bileta frå dagen kan du sjå HER.

Nybyrjarkurs kajakk UNG, Askvoll

Det vert arrangert nybyrjarkurs i padling på Øyra 22.- 24 juni på Øyra i Askvoll. Arrangør er Sogn og Fjordane turlag. Kurshaldarar vert instruktørar frå Askvoll padleklubb. Dette kurset er for ungdom frå 13- 18 år.
Kursavgifta er 1100 for medlemmar av turistforeningen, og 1350 for andre.. Dette dekkjer instruksjon, alt utstyr, matservering (kveldsmat, frukost, middag) og overnatting.
Meir info og påmelding finn du HER!
Meld deg på! Dette blir moro!

Artikkel i Padling

Askvoll padleklubb hadde teknikkurs Ung i fjor sommar. Ein artikkel frå desse dagane, vart trykt i bladet; Padling. Du kan lese denne artikkelen elektronisk her:

Teknikkurs Ung

Askvoll padleklubb på facebook

På Askvoll padleklubb sin facebook- side, er det høve til å sjå på, og bestille bilete frå Stormsamlinga 2011. Fotograf er Hans Petter Sørensen.

Stormsamlinga 2011

Då var Stormsamlinga over for i år. Det var andre gong Askvoll padleklubb arrangerte samlinga i lag med Njord og God Tur i Bergen.

Det var rundt 60 padlarar til stades denne helga. Vi arrangerte grunnkurs og teknikkurs, og God Tur hadde lagt aktivitetsleiarkurset sitt til Bulandet. Veret var litt grått og vindfullt på laurdagen, men sola skein og det vart vindstille på søndag! Mykje god padling denne helga på Bulandet!

Takk til Liv Turid for nydeleg mat og god service! Takk til alle som tok bilete også! Håpar å sjå mange att neste år!

Alle bileta frå samlinga finn du HER.

Treningsøkt på Øyra!

Laurdag 17. september blir det høve for dei ungdommane som har grunnkurs å få trene seg litt. Vi startar opp klokka 10.00. Ver presis! Viss det er interesse for det, tek vi ein liten tur.

Ta med drikke og bytekle. Vi satsar på å vere ferdige ca klokka 13.00. Alle må sjølvsagt vere med å rydde opp og vaske utstyret etterpå..

Mvh Odin
-Askvoll padleklubb

Stormsamling 2011 på Bulandet 30 sept. til 2 oktober

Askvoll padleklubb gjentek suksessen frå tidlegare år og arrangerar Stormsamling til hausten. Sponsorar er Njord og God Tur.

Som i fjor vert det ei litt anna stormsamling enn tidlegare. Vi har berre 40 plassar tilgjengelege. Sidan samlinga på kveldane vert i Floren hos Liv Turid, vert det litt færre plassar enn ved tidlegare stormsamlingar. Så her gjeld det å hive seg rundt å melde seg på!

Det vert grunnkurs, teknikkurs, aktivitetsleiarkurs og medlemmar frå Askvoll padleklubb vil tilby guida turar rundt om i Bulandet begge dagane. For å vere med på samlinga, må du betale for stormpass (gjeld berre dei som ikkje skal vere med på kurs).

Vi samlast i Floren til ei orientering på fredag kvelden kl 21.00, slik får vi med dei som kjem med ferga kl 19.15 frå Askvoll.

Verdas beste middag, kaffi og dessert i Floren på Laurdag kveld, er inkludert, drikke til maten tek de med sjølve.

Totalt har vi 16 stormpass, 8 plassar på grunnkurs, 8 plassar på teknikkurs, 8 plassar på aktivitetsleiarkurs

Tilsaman 40 plassar.

Vi har sett ei aldersgrense på 18 år. Personar under må vere i følgje med føresette.

Etter middagen viser vi innsamla bilete frå dagen.

Overnatting må kvar enkelt ordne med sjølv, sjå på Bulandet Grendalag for hytter og liknande, http://bulandet-grendalag.org/

Ferjetider finn de på www.ruteinfo.net

Kva kostar så dette?:

Stormpass: 1000,- inkl guida turar og middag laurdag
Grunnkurs: 2300,- inkl middag laurdag
Teknikkurs: 2300,- inkl middag laurdag
Leige av kajakk og alt anna utstyr 650,- for heile helga, vi leiger kun ut heile pakkar med kajakk, åre, trekk, våtdrakt, jakke, sko etc.

Send mail til oss på stormsamling@gmail.com for påmelding, betaling og andre detaljar.

Seinaste påmeldings / betalingsfrist er 20 september 2011, hugs at det er bindande påmelding!

Bli fan på Facebook, sjå http://www.facebook.com/pages/Askvoll-Padleklubb/283238932315

Antal påmelde per 26 august:

Grunnkurs (8 plassar): 8 påmelde (FULLT)

Teknikkurs (8 plassar): 8 påmelde (FULLT)

Aktivitetsleiarkurs (8 plassar): 8 påmelde (FULLT)

Stormpass (16 plassar): 16 påmelde (FULLT)

Har du spørsmål om samlinga, bruk eposten (stormsamling@gmail.com) eller kontakt tlf nr
95834359 (Roger Kløvtveit). Send helst epost :)

Vi sjåast i Bulandet

Styret i Askvoll Padleklubb

Padleklubben representert på ASKR

Nina og Lene deltek på Arctic Sea Kayak Race (ASKR) i Vesterålen denne veka. I dag har dei padla frå Rekøy til Gaukværøya som ligg vest for Bø i Vesterålen, ei strekning på ca. 36 km. Nina sende meg ein SMS med bilde av leirplassen for natta som var så flott at eg legg det ut her.

Skjærgårdstreffet 2011

Askvoll padleklubb hadde aktivitetar for ungar fredagen på Skjærgårdstreffet. Oppunder 100 ungar fekk prøve padling i doble kajakkar på Øyra. Ungdom som har teke grunnkurs og teknikkurs i klubben, var med som hjelparar.

Alle bilete frå dagen ligg her.

Teknikkurs Ung

Måndag 11. og tysdag 12. juli var det teknikkurs for ungdom. 6 deltakarar hadde meldt seg på Kurshaldar var formann i klubben vår; Roger Kløvtveit.

.

.
Første dag var i Askvoll der øving på redningar, kanting, støttetak og styretak stod i fokus. Dette fekk deltakarane bruk for andre dagen, då dei fekk prøve seg i litt meir bølgjer på Staveneset. Roger tok med to og to ut i dønningane for å teste støttetaka, og sjå om ein kunne få surf inn att. Ein svært populær dag for deltakarane!

Alle bileta frå dagen finn du her.

Grunnkurs for ungdom

I dag har Oddvinn hatt første dag av grunnkurset for ungdom. Det var i alt 5 deltakarar. To jenter og tre gutar. Og som alle grunnkurs for ungdom, vart det mykje bading og leik. Ein sporty gjeng som ikkje var redde for å bli våte!

Alle bileta frå første dagen ligg her.

Aktivitetsveka 2011

Tysdag 14. og onsdag 15. juni hadde klubben aktivitetar for elevar ved Askvoll skule. Vi padla tre turar innover mot Kyllaren. Tysdagen var det litt regn og godt med vind. Onsdagen klarna det opp litt.

Alle bileta frå dagane finn du HER!

Grunnkurs i padling for ungdom frå 13- 18 år.

GRUNNKURS I PADLING

Askvoll padleklubb inviterar ungdom frå 13 til 18 år tilhøyrande i Askvoll kommune med på grunnkurs i padling laurdag 18. og søndag 19. juni 2011. Kurset er på ca 16 timar og vert halde på Øyra i Askvoll sentrum. Vi startar opp klokka 9.00 begge dagane.

Deltakarane får utdelt det dei treng av utstyr, men må ha med handkle, bytekle og niste/ varm drikke begge dagane. Dette kurset er gratis for deltakarar i Askvoll kommune!

Påmelding (ein vaksen melder på!) på epost til: motvind@live.com

Når kurset nærmar seg, får alle påmelde opplysningar om kurset på epost. Kurshaldar er Oddvinn Ravnøy.

Askvoll padleklubb

Teknikkurs i padling for ungdom frå 13- 18 år.

TEKNIKK- KURS I PADLING

Askvoll padleklubb inviterar ungdom frå 13- 18 år tilhøyrande i Askvoll kommune med på teknikkurs i padling måndag 11. og tysdag 12. juli 2011. Kurset er på ca 16 timar og vert halde på Øyra i Askvoll sentrum. Vi startar opp klokka 9.00 begge dagane.

NB: For å delta på dette kurset MÅ du ha teke grunnkurset!

Deltakarane får utdelt det dei treng av utstyr, men må ha med handkle, bytekle og niste/ varm drikke begge dagane. Dette kurset er gratis for deltakarar i Askvoll kommune!

Påmelding (ein vaksen melder på!) på epost til: motvind@live.com

Når kurset nærmar seg, får alle påmelde opplysningar om kurset på epost. Kurshaldar er Roger Kløvtveit.

Askvoll padleklubb

Vårsleppet på Bulandet 2011

Då var Vårsleppet vel i hamn for i år. Tolv var påmelde denne gongen. Vi hadde medlemmar frå Askvoll, Herøy og BSI. Vi valde å ikkje organisere så mykje denne gongen. Dette treffet var meint som ein møtestad for padleglade folk som hadde pakka bort skiene og var klare for å feire påska på sjøen.


Laurdag var det finver med sol frå klar himmel. Då fekk vi ei omvisning til Værlandet av klubbguiden vår, Lasse. Veldig kjekt å sjå denne delen av øyriket også. Vi tok rastepause på Sanden på søre Værholmen.

Laurdagskvelden var det som vanleg middag hos Liv Turid. Vi fekk servert nydeleg lam med tilbehør. Søndagen vart det litt betre forhold for bølgjeleik, då vinden hadde auka på litt.

Alle bileta frå samlinga finn du her.

Seks videoar finn du her.

Tusen takk til alle som var med på denne ekslusive samlinga, og takk til alle som tok bilete og filma videoar. Og vel møtt til Stormsamlinga!